ХОЛ ЗАМД МАШИНТАЙ ТӨӨРӨХ, СААТАХ
Зөвлөгөө

Хол замд машинтай төөрөх, саатах

       Хол замд  автомашинтай зорчих үеэр цасан болон шороон шуурга шуурах, автомашин эвдэрч саатах тохиолдолд  та дараах арга хэмжээг аваарай. Үүнд:

  • Төв замаас гарч зогс. Ослын зогсолтын гэрлийг асааж, автомашины антенн эсвэл цонхонд ослын дарцаг өлгө.
  • Аврагчид таныг хялбар олохуйц газарт буй бол машинаа орхиж бүү яв. Ойролцоо барилга байшин, айл амьтан, хоргодох газар байхгүй бол машинаа орхиж бүү яв.
  • Харагдаж буй зүйлсийн бодит зай нь шуурганаас үүдэн өөр харагдаж болох тул анхааралтай бай.
  • Барилга, айл ойрхон харагдаж болох ч зузаан цасан дундуур алхаж хүрэхэд хэцүү, хэт хол байж болно.
  • Автомашины хөдөлгүүр, халаагуурыг цаг тутамд 10 минут асааж дулаацаж байх.
  • Хөдөлгүүр ажиллаж байх үед цонхыг бага зэрэг онгойлгон агаар оруулж, яндангийн ойролцоох цасыг байнга цэвэрлэж угаартахаас сэргийл.
  • Биеийн дулаанаа хадгалах зорилгоор дасгал хөдөлгөөн сайн хийх ба харин хэт хүчтэй ядартал хийж болохгүй.
  • Цаг агаар хүйтэн буй бол газрын зураг, суудлын бүрээс, шалны дэвсгэр зэрэг боломжит зүйлсийг дулаан дусгаарлагч болгон хэрэглэ.
  • Зочигчид бүгдээр нийлэн шахалдаж, хүрмээрээ давхарлан хуч.
  • Унтаж амрах бол ээлжлэн унт. Бусдыгаа унтаж байх үеэр аврах багийнхныг хүлээн нэг хүн заавал сэрүүн байх ѐстой.
  • Биеийн шингэн алдагдахаас сэргийлэн ойр ойрхон юм идэж, шингэн зүйл уу. Харин согтууруулах ундаа, каффейн агуулсан шингэн зүйлсээс татгалз.
  • Аккумуляторын цэнэгийг хэмнэ. Гэрэл, халаагуур, радио хөгжим зэргийг асаахдаа аккумуляторын цэнэгийг хэмнэж тэнцвэртэй ашигла.
  • Шөнийн цагаар аврах багийнханд хялбар үзэгдэхүйц байхын тулд кабины дотор гэрлийг асаа.
  • Эзгүй хээр, хол газарт саатсан бол нисэх онгоц ашиглан хайгуул хийх аврах багийнханд харагдахуйцаар газар дээр ТУСЛАМЖ эсвэл SOS хэмээн том үсгээр, чулуу, модны мөчир болон бусад зүйлсийг ашиглан бич.
  • Шаардлагатай гэж үзвэл цасан шуурга дууссаны дараагаар автомашинаа орхиж явган яв.

           Хэлэлцэх асуулт:

         Та хол замд автомашинтай явахын өмнөх бэлтгэл ажлаа бүрэн хангасан уу?

Хөдөө хээр автомашинтай зорчих үеэр цасан болон шороон шуурга шуурах, автомашин эвдэрч саатах тохиолдолд  та өөрийн болон бусдын аюулгүй байдлыг чухалчлах ёстой.

Similar Posts

Leave a Reply

Your email address will not be published.